(Iparragirre)
Gazte gaztetandikan
herritik kanpora,
estranjeri aldean
pasa det denbora.
Herrialde guztietan
toki onak ba dira,
baina bihotzak dio
zoaz Euskalherrira.

Agur nere bihotzeko
amatxo maitea!
Laster etorriko naiz
kontsola zaitea.
Gertabeharrak nahi du
ni urez joatea;
ama, zertarako da
negar egitea?

Lur maitea hemen uztea
da negargarria.
Hemen gelditzen dira
ama ta herria.
Urez noa ikustera,
bai, mundu berria;
oraintxe, bai, naizela
errukigarria.