Ozaze Jaurgainian bi zitroin doratu
Atarratzeko Jaunak bata du galdatu;
uken du arrapostu eztirela huntu,
hunturik direnian batto ukenen du.

Portaliala juan zitez, ahizpa maitia,
ingoiti horra duzu Atarratzeko Jauna,
otoi erran izozu ni eri nintzala,
zazpi egun hoietan oihan nntizala.

Klara, zuaza orai salako leihora,
Iparra ala hegoa denez jakitera,
iparra baldin bada goraintzi Salari,
ene korpitzaren txerka jin dadila sarri.

Ama, juanen gira oro elkarrekin,
etxerat jinen zira xangri handirekin,
bihotza kargaturik, begiak bustirik,
eta zure alaba tunban ehortzirik.

Ama, saldu nauzu biga bat bezala,
bai eta desterratu, oi Españiala,
aita bizi uken banu, ama zu bezala
enunduzun ezkunduren Atarratzeko salala.